Anver Manatunga Blog Sinhala | අන්වර් මනතුංග බ්ලොග් අඩවිය -

වැලන්ටයින් දිනය සහ යථාර්තය!

වැලන්ටයින් දිනයක් එපා!

වැලන්ටයින් දිනයක් එපා!

වැලන්ටයින් දිනය ලංවෙන විට දෙපිරිසක් දෙපැත්තකින් සුදානම් වේ. එක පිරිසක් වැලන්ටයින් බිස්නස් කාරයින්ය. අනෙක් පැත්තෙන් වැලන්ටයින් දිනයට විරුද්ධ ආගමික පාර්ශවයයි. දැන් ජනතාවට කරන්න සිදුවී තිබෙන්නේ වැලන්ටයින් දිනයට දෙපිරිසගෙන් එක පාර්ශවයකට සම්බන්ධ වීමයි. ඇත්ත වශයෙන්ම මේ දෙපාර්ශවයම කරන්නේ වැලන්ටයින් දිනය සැමරුමක් නොවේද? වැලන්ටයින් දිනය යනු වැලන්ටයින් සාමිතුමාගේ දිනය හෙවත් ආදරවන්තයින්ගේ දිනය යැයි හඳුන්වති. නමුත් දැන් මේ දිනය සාමිතුමාටවත් ආදරවන්තයින්ටවත් අයිති නැත. Continue reading

ඉරාජ්ගේ මනුසතා තහනම් කළයුතුද?

ඉරාජ්ගේ මනුසතා

ඉරාජ්ගේ මනුසතා

බුදුරජාණන් වහන්සේ මිනීමස් වැළදූ බවට පැවසු අපහාසාත්මක වීඩියෝවක් රටපුරා බෙදාහැරි තව්හීද් ජමාත් සංවිධානයට එරෙහිව ගොණුකර ඇති නඩුව පසුගිය11 දින අලුත්කඩේ මහේස්ත්‍රාත් අධිකරණයේදී නැවත කැදවනු ලැබු අවස්ථාවේදී අධිකරණය විසින් ප්‍රසිද්ධ කිරීමට තහනම් කර ඇති අදාල අපහාසාත්මක වීඩියෝවේ දර්ශන ඉරාජ් වීරරත්නගේ “මනුසතා“ නැමැති ගීත වීඩියෝවට අන්තර්ගත කර ඇති හෙයින් එම ගීත වීඩියෝව තහනම් කරන ලෙසට චූදිත තව්හීද් ජමාත් සංවිධානය අධිකරණයෙන් ඉල්ලීමක් කරනු ලැබූ අතර ඒ පිලිබදව පරීක්ෂණයක් පවත්වන ලෙසට මහේස්ත්‍රාත්වරයා පොලිසියට නියෝග කර ඇත. Continue reading

සිංහ ලේ මිථ්‍යාව, කන්‍යා මරියතුමිය සහ වෛද්ය චන්න ජයසුමන

විජය

විජය

සිංහබාහු මිථ්‍යාව සමාජය තුල දැඩි විවේචනයට පාත්‍රවීම නිසා හාංසි වු සිංහ ලේ සංකල්පයට නැවත ඔක්සිජන් දීමට වෛද්‍ය චන්න ජයසුමන ඉදිරිපත් වී ඇත. ඔහු සිංහබාහු මිථ්‍යාව දෙස බලන්නට යන්නේ මරියතුමියගේ කන්‍යා පටලයෙනි. මෙහිදී අපට මුලින්ම මතකයට එන කරුණක් නම් වෛද්‍ය චන්න ජයසුමන පසුගිය මහමැතිවරණයේදී මහින්ද රාජපක්ෂ මහතා ගොඩදමන්නට දැඩිලෙස කඩේ ගිය කෙනෙකු බවයි. මහින්දට කඩේ යෑම සහ සිංහ ලේ මිථ්‍යාව අතර ඇති සහසම්බන්ධය දැන් ජනතාවට හෙළිදරව් වී හමාරය. Continue reading

රජයකට ආගමක් තියෙන්න බැහැ- මහනුවර වජිරබුද්ධි හිමි

මහනුවර වජිරබුද්ධි හිමි

මහනුවර වජිරබුද්ධි හිමි

මේ ආගම හා රාජ්‍යය සම්බන්ධ කාරණය ටිකක් පුළුල් මාතෘකාවක්. මගේ පෞද්ගලික අදහස වැඩක් නැහැ. බුදුන් වහන්සේගේ බෞද්ධ දර්ශනය මත අදහසක් ඉදිරිපත් වෙන්න ඕනෑ. ඇත්තටම ගත්තොත් මේ වෙද්දි බදුන් වහන්සේ වදාළ බුද්ධාගම මොකක්ද කියලා කවුරුවත් දන්නේ නැහැ. හාමුදුරුවරු දේශපාලන වේදිකාවල දේශපාලනය කරනවා. Continue reading

ජාත්යායලයද? කොඩි ආලයද? නිදහස්ද? වහල්ලුද?

ජාත්‍යාලයද? කොඩි ආලයද?

ජාත්‍යාලයද? කොඩි ආලයද?

මහින්ද රාජපක්ෂ මහතා පවසන්නේ පුතා හිරේ නිසා මෙවර තමන්ට නිදහසක් නැති බවයි. එදා කෘර රාජපක්ෂ පාලන කාලයේදී අපට නම් නිදහසක් තිබුණේම නැත. යුඑන්පී පාලන කාලයකදී යුඑන්පී කාරයාට නිදහස් දිනය හරි සතුටු දවසකි. ශ්‍රීලනිප පාලන කාලයකදී ශ්‍රී ලංකා කාරයාට නිදහස් දිනය සතුටු දවසකි. ඉදින් නිදහස් දිනය සතුටු දිනයක් නම් ජාතික කොඩි මිලදී ගෙන හැම තැනම කොඩි ගසා සතුටු වන්නේය. කොඩි විකුණන අයට නම් හැම නිදහස් දිනයක්ම සතුටු දායකය. මන්ද ඔවුන්ගේ කොඩි බිස්නස් එක නැගලා යන නිසාය.   Continue reading

සිංහයා සලකුණ කරගත් දහම! රස්තෆාරියන් ආගම!

හේල් සෙලස්සී Haile Selassie

හේල් සෙලස්සී Haile Selassie

පසුගිය කාලයේ අපේ රටේ සිංහයා සහ සිංහ ලේ ගැන විශේෂයෙන් කතා කරන විට මට මතක් වුනේ සිංහයා සලකුන කරගත් ආගමක් ලෝකයේ වෙනම තිබෙන බවයි. ඒ අප්‍රිකාවෙන් මෑතකාලීනව බිහිවු රස්තෆාරියන් ආගමයි. 19 වන සියවසේ අවසාන භාගයේදී ජැමෙයිකාවෙන් බිහිවු මෙම ආගමික සංකල්පය 1930 දී ඉතියෝපියාවේ සිටි පාලකයා වන හේල් සෙලස්සී  Haile Selassie නැමැත්තාගේ මුලිකත්වයෙන් ස්ථාපනය විය. රස්තෆාරියන් ආගමිකයන් විශ්වාස කරන්නේ හේල් සෙලස්සී යනු දෙවියන් බවයි. Continue reading

අන්තවාදී අයිසිස් විසින් විනාශ කරන යසීඩීවරු කවුරුන්ද?

මලෙක් තවුස් මොණර දුතයා

මලෙක් තවුස් මොණර දුතයා

යසීඩීවරු යනු උතුරු ඉරාකයේ වාසය කරන කුර්දි සම්බවයක් ඇති ජනකොටසකි. සංගණනයන්ට අනුව ඔවුන් 800,000 ක් පමණ සිටින බැව් පැවසේ. ඔවුන් දුප්පත් සහ පීඩිත ජනකොටසකි. නමුත් ඔවුන්ගේ ආගමික විශ්වාසය වන යසීඩිවාදය ලෝකයේ ඉතාමත්ම පැරණිම දහමක් යැයි විශ්වාස කෙරේ. ඔවුන්ගේ විශ්වාසය අනුව ඒදන් උයනේදී මවන ලද මුල්ම මිනිසුන් ඔවුන්ය. ඔවුන් විශ්වාස කරන්නේ ඒදන් උයන තිබී ඇත්තේ වත්මන් ඉරාකයේ ලාලිශ් නම් ප්‍රදේශයේ බවයි. Continue reading

ඇෆ්ගනිස්ථානයේ තාලිබාන් යනු ඇමරිකානු සහ පකිස්ථාන ඒකාබද්ධ නිපැයුමක්!

මුල්ලාහ් ඔමර්

මුල්ලාහ් ඔමර්

ප්‍රබල රුසියාව විසින් ඇෆ්ගනිස්ථානය ආක්‍රමණය කර තිබියදී ඔවුන්ව එම රටින් පලවා හැරීමට කටයුතු කළෝ තාලිබාන් සංවිධානයයි. තාලිබාන් විසින් ප්‍රබල රුසියාවට දුවන්නම ගැහුවේ ඇමරිකානු නිශ්පාදිත ස්ට්‍රිංගර් මිසයිල වලිනි. එම මිසයිල සමග සියළුම නවීන අවිආයුධ ඔවුන්ට ලැබුණේ ඇමරිකාව වෙතිනි. එවැනි නවීන ආයුධ තාලිබාන් සංවිධානයට පාවිච්චි කිරීමට පුහුණු කළෝ කවුරුන්ද? ඒ පකිස්ථාන ජාතික ඔත්තු සේවය වන  ISI වෙතිනි. අද ඇෆ්ගනිස්ථානය පුරා පැතිරී තිබෙන තාලිබාන් නැමති අන්තවාදී වෛරසයේ මුලය මේ දෙපාර්ශවයයි. Continue reading

ටිබෙට් ජාතිකයන්ගේ අමුතු අවමගුල් චාරිත්‍රය! මෘත ශරීර පක්ෂි දානය!

පක්ෂි දානය

පක්ෂි දානය

වත්මන් චීනයට යටත් රාජ්‍යයක් වන ටිබෙට් රටෙහි ජනතාව අතර ඉතාමත් වෙනස් ආකාරයේ අවමගුල් චාරිත්‍රයක් ඇත. එනම් මියගිය තැනැත්තාගේ හෝ තැනැත්තියගේ මෘත ශරීරය පක්ෂීන්ගේ ආහාරය පිණිස ලබාදීමයි. ඉතා ඈත අතීතයේ සිට මේ දක්වා ඔවුන් මේ චාරිත්‍රය පවත්වාගෙන යන අතර ඔවුන් මෙලෙස තමන්ගේ මෘත ශරීරයන් අනුභව කරන්නට දෙන්නේ රාජාලීන්ට සමාන එක්තරා විශේෂිත කුරුළු විශේෂයකටයි. ටිබෙට් බසින් මෙම කුරුළු විශේෂයේ නම “වචුවල්”ය. මෙම ලිපිය මගින් ඔබවෙත දක්වන්නේ එම අවමගුල් චාරිත්‍රය පිළිබඳ විස්තරයි. Continue reading

ගවයින් නොමරා මස් ආනයනය කිරීමේ සිරිසේන තියරිය විමසුමක්!

මුල අමතක වීද?

මුල අමතක වීද?

ගව මස් කෑමට උවමනා නම් මෙරට ගවයින් නොමරා විදේශයන්ගෙන් ඒවා ආනයනය කරදෙන ලෙස තමන් මුදල් ඇමතිවරයාට උපදෙස් දුන් බව ජනාධිපති මෛත‍්‍රීපාල සිරිසේන මැතිතුමා විසින් පසුගියදා පයාගලදී පැවති තෛපොන්ගල් උත්සවයකදී පවසා ඇත. ඇත්තෙන්ම පසුගිය ජනාධිපතිවරණ ඡන්ද කාලයේදී එතුමා මෙම ප්‍රකාශය පැවසුවා නම් එතුමා විසින්ම පවසන පරිදි නැවත රාජපක්ෂ පාලනයක් යටතේ එතුමාට පොලවේ අඩි කිහිපයක් යට වලක් තුල සැතපී සිටින්නට ඉඩ තිබුණි. නමුත් එදා එසේ නොකී සිරිසේන මැතිතුමා දැන් මෙහෙම කියන්නේ මන්දැයි අප සොයා බැලිය යුතුය. Continue reading

සිංහ ලේ? සිව්හෙලය? ශ්‍රී ලංකාව? මුස්ලිම් බුද්ධිමතෙකුගේ අදහස

සිංහ ලේ ලණුව

සිංහ ලේ ලණුව

අප බ්ලොගය විසින් පලකරන ලද සිංහ ළේ මිථ්‍යාව බිඳලමු! නැමති ලිපිය සඳහා මුහුණු පොතේ සමුහයන් රැසක සංවාදයට බඳුන් විය. එහිදී විවිධ අය විවිධවු අර්ථ කථනයන් සිංහලේ නම්වු වචනය සම්බන්ධව ලබාදෙන ලදී. අප ඒවායින් වැදගත් යැයි සිතන අර්ථකථන වෙන වෙනම සාකච්ඡා කිරීමට බලාපොරොත්තු වෙමු. ඉබ්නු මන්සුර් මහතා අප බ්ලොගයේ ආරම්භයේ පටන් විවිධවු සංවාදයන් වලදී මුස්ලිම් පාර්ශවය වෙනුවෙන් තම ස්වාධීන අදහස් පලකළ මුස්ලිම් විද්වතෙකි. පහත මා පලකරන්නේ එතුමා විසින් අපවෙත සිංහළේ මිථ්‍යාව සම්බන්ධව එවා ඇති ලිපියයි. මෙම ලිපිය සිංහලේ මිථ්‍යාව සම්බන්ධව මුස්ලිම් බුද්ධිමතෙකුගේ අදහසයි. Continue reading

සිංහ ළේ මිථ්‍යාව බිඳලමු!

සිංහ ළේ මිථ්‍යාව

සිංහ ළේ මිථ්‍යාව

මදුමාධව පිළිගත් ජනප්‍රිය විදුහලක අධ්‍යාපනය ලැබුවද? නිසිපරිදි පාසැල් අධ්‍යාපනය නිමා නොකළ බව දන්නෝ ඉතා අල්ප දෙනෙකි. මම ඒ ගැන කතා නොකරන්නේ පුද්ගලික දේ අනවශ්‍ය නිසාය. කෙසේ වුවද දැන් ඔහු පන්ඩිතයෙකු බව පෙන්වමින් සිංහලේ මිථ්‍යා සංකල්පයේ කස කරුවෙකු වී ඇත. ඔහු රටවල් කිහිපයක නම් කියමින් ඒ රටේ භාෂාව සහ රටේ නම එකක් බව පෙන්වයි. ඔහු කියන පරිදි චීනයේ බස චීන බසයි. චීනයේ බස මැන්ඩරින් බව උහු නොදනියි. රටේ නම සහ බස එකම බවට ඔහු පෙන්වන රටවල් ප්‍රමාණයට වැඩියෙන් මට බසේ නමත් රටේ නමත් වෙනස් උදාහරණ පෙන්විය හැකි බවට අභියෝග කරමි. Continue reading

අයිසිස් ඉස්ලාමීයද? ඉස්ලාම් අයිසිස් වගේද?

ඉස්ලාම් සහ අයිසිස්

ඉස්ලාම් සහ අයිසිස්

බොහෝ අන්තවාදීන් තමන්ගේ අන්තවාදී ක්‍රියාවන් ආගමික කරණයට ලක්කරන්නේ ජනතාව ආගම හමුවේ ඉතාමත් සංවේදී බව දන්නා නිසාය. ඇත්තටම මේ අන්තවාදී ක්‍රියාවන් නිසා සිදුවන්නේ ආගම් වලට අපහාසයක් විනා යහපතක් නොවේ. නුතන ලෝකයේ ඉස්ලාම් දහමට අපහාස කරන්නාවු අන්තවාදී කංඩායම් අතර අයිසිස් ඉදිරියෙන්ම සිටියි. ඉදින් මා මේ ලිපිය වෙන් කරන්නේ අයිසිස් සම්බන්ධව දරන මතය ඔබ හමුවේ තැබීමටයි. යම්කිසි ඉස්ලාමීය විද්වතෙකු මීට වෙනස් මතයක් දරනවා නම් මා හා සුහද සංවාදයක යෙදීමට ආරාධනා කරමි. Continue reading

මුස්ලිම් රටවල ෂියා සහ සුන්නිවරු එකිනෙකා මරාගන්නවාද?

ෂියා සුන්නි කොටවන අයිසිස්

ෂියා සුන්නි කොටවන අයිසිස්

බොහෝ දෙනෙකු සිතන්නේ මුස්ලිම් රටවල ෂියා සුන්නි යන කොටස් දෙක එකිනෙකා ඇණකොටාගෙන මරාගන්නවා කියායි. ඇත්ත වශයෙන් ලෝක මුස්ලිම් සමාජය තුල ෂියා සහ සුන්නි ලෙස කොටස් දෙකක් තිබීම වසර දහසකටත් වඩා ඈත ඉතිහාසයක් ඇත. ඉදින් මෙලෙස මරාගන්නවා නම් අතීතයේ සිටම මරාගත්තාද? එදා සිට ෂියා සහ සුන්නි කොටස් දෙකම මරාගත්තා නම් අද එක්කෝ ෂියා හෝ සුන්නි කොටස් දෙකෙන් එකක් නැත. නැතිනම් මුස්ලිම් සමාජයක්ම මෙලෙස නැත. ෂියා සුන්නි මරාගැනිල්ල ප්‍රපංචයක් නම් ඇත්තටම එහි සිදුවන්නේ කුමක්ද? Continue reading

අනෝමා ජිනාදරී මේ එන්න හදන්නෙ මොකාටද?

ස්ත්‍රීවාදය

ස්ත්‍රීවාදය

අනෝමා ජිනාදරී තමන්ගේ ෆේස්බුක් එකේ නිරුවත් ඡායාරූප දාලා! අනේ ඇත්තද ආ? කියලා අපේ කට්ටිය දැන් වෙබ්සයිට් ගානෙ ගිහින් අනෝමා ජිනාදරී ගැන හොයනවා. මෙව්වා තියෙන්නේ වෙබ්ගොසිප් වලනේ! කට්ටිය දන්නැහැ මේ වෙන්න යන්නේ මොකද්ද කියලා. හැබැයි ආතල් එකක් නම් තියෙනවා! නිරුවත් ඡායාරූපනේ! ඉතිං කට්ටිය අනෝමා ගැන හොයන කොට ගොසිප්වෙබ් කට්ටිය හිට් වෙනවා. ඒගොල්ලො හිට් වෙනකොට අනෝමා ජිනාදරිත් ඉබේම හිට් වෙනවා. අන්වර් මනතුංග හිතුවා මේ ගැනත් පොඩ්ඩක් ලියන්න ඕනි කියලා. Continue reading

චීනය බෞද්ධ ටිබෙටයට කළ හානිය සහ ලංකාවට කරන බලපෑම!

ඉන්දියාවේ වෙසෙන ටිබෙට් අධ්‍යාත්මික නායක දලයි ලාමා

දලයිලාමා

අද ලංකාවේ සිට චීනයට කත් අදින ඊනියා බෞද්ධ නායකයන් ලෝක බෞද්ධ උරුමයක් වන ටිබෙටයට චීන ජුන්ටාව විසින් කළ හදිය නොදනී. මම මේ ලියන කාරණාව ලක් ජනතාවගේ අවධානය යොමුවන මාතෘකාවක් නොවුනද ඔවුන්ගේ දැනගැන්ම පිණිස ලියා තබමි. මට ටිබෙටයේ වත්මන් තත්වය ගැන තොරතුරු ලබා දුන්නේ චීනයේ කලක් සිරගතව සිට පසුව යුරෝපයට පැනගොස් ජීවත්වන ටිබෙට් ජාතික සහෝදරයෙකුගෙනි. ඔහුට සහ තවමත් ටිබෙටයේ ජීවත්වන ඔහුගේ පවුලෙහි ආරක්ෂාව අනතුරේ නිසා ඔහුගේ නම හෝ ඡායාරූප පලනොකරමි. Continue reading

සිංහ ලේ සිඟාල ලේ අතර වෙනස

සිංහලේ

සිංහලේ සහ සිඟාල ලේ අතර වෙනස

සිංහයාට තමන්ගේ ජාතිය, ජන්මය හෝ ලේ ගැන අවුලක් නැත. නමුත් සිංහයෙකු නොවන එහෙත් තමන් සිංහයෙකු බවට අඟවන්නට උත්සාහ කරන අයට නම් අවුලක් ඇත. එනම් කෙසේ හෝ තමන්ද සිංහයෙකු බව ඇගවීමයි. හෙතෙමේ තමන්ගේ ජන්මය, ජාතකය මෙන්ම ලේ ද සිංහ ම බවට පුනපුනා ඔප්පු කරන්නට තතනන්නේය.  කෙසේ නමුදු සිංහයෙකු නොවන එහෙත් සිංහයෙකු බවට අගවන්නට උත්සාහ කරන එකාගේ ක්‍රියාවෙන්ම ඌ සිංහයෙකු නොවන බව ඇඟවෙන බව උහු නොදන්නේය. Continue reading

ගෞරවනීය මාදුළුවාවේ සෝභිත හිමියන්ට ලාංකික මුස්ලිම් ජනතාවගේ ආචාරය!

මාදුළුවාවේ සෝභිත හිමි

මාදුළුවාවේ සෝභිත හිමි

කලකට නිහඬව සිටීමට අදහස් කළ නමුදු සෝභිත හිමියන්ගේ අභාවය නිසා එහිමියන් ගැන සටහනක් නොතබන්නේ නම් එය විශාල අඩුවකි. සිංහල, දමිල, මරක්කල, මැලේ සහ බර්ගර් ඇතුළු සියළුම ජනවර්ගයන්ට අයත් ලංකාවාසී ජනතාවට සාධාරණ සමාජයක් උදාකර ගැනීම සඳහා නොනිමි අරගලයක යෙදුනු සෝභිත හිමි අද නිසලය. ඇත්ත වශයෙන්ම එහිමියන් බෞද්ධ යතිවරයෙක් නමුදු මෙම අභාවය ගැන ඇසට කදුලක් නැගෙන්නේ ලාංකික බොදුනුවන්ගේ පමණක් නොවේ. Continue reading

ජීවිතය අවබෝධ කරගන්න! ජීවිතය බෙදාගන්න!

ලෝක සියදිවි නසාගැනීම් වැලැක්වීමේ දිනය

ලෝක සියදිවි නසාගැනීම් වැලැක්වීමේ දිනය

ලෝක සියදිවි නසා ගැනීම් වැලැක්වීමේ දිනය අද එනම් සැප්තැම්බර් 10 වෙනිදායි. අපට සියදිවි නසාගැනීම් වැලැක්වීම ඉතාමත් වැදගත් වන්නේ අපේ රට සියදිවි නසාගැනීම් වැඩියෙන්ම වාර්තා වන රටවල් අතරින් සිව්වැනි ස්ථානයේ පසුවන නිසයි. මිනිසා තමන් විසින් ලබාඇති ජීවිතයේ වටිනාකම අවබෝධ කරගැනීම මෙන්ම අනෙකුත් අයටද ජීවිතයේ වටිනාකම අවබෝධ කරදීම ඉතාමත් වැදගත් කරුණකි. කලකිරීම් සහිත අය අස්වැසීම, ඔවුන්ට උපකාර කිරීම සහ ඔවුන්ගේ දුකසැප බෙදාගැනීම සියළුම දහම් වලින් දිරිගන්වන දෙයක් බව අප මතක තබාගත යුතුයි. Continue reading

සිරියාවේ, ඉරාකයේ සහ ලිබියාවේ තත්වය අල්ලාහ්ට නොපෙනේද? යන්න විමසුමක්!

අල්ලාහ්ගේ කැමැත්තද?

අල්ලාහ්ගේ කැමැත්තද?

අද සිරියාවේ, ඉරාකයේ සහ ලිබියාවේ මුස්ලිම් ජනතාව දුක්විඳින එක අල්ලාහ්ගේ කැමැත්තදැයි මුස්ලිම් සහ මුස්ලිම් නොවන කිහිප දෙනෙකුම මගෙන් විමසා එවා තිබුණි. මෙය ඇත්තටම කැමැත්ත සහ අනුදැනුම යන වචන දෙක පටලවා ගෙන අසන ප්‍රශ්නයක් බව පැහැදිලිය. එහෙත් මේ ජනතාව දුක්විඳීම සම්බන්ධව අල්ලාහ් බලා ඉන්නේ මන්ද? යන ප්‍රශ්නයද බොහෝ දෙනෙකු අසන නිසා ඒ සම්බන්ධවද කරුණු පැහැදිලි කිරීමට අදහස් කරමි. පලමුවෙන්ම කිවයුතු කරුණ නම් මේ ජීවිතයේදී කිසිවෙකු දුකට පත්කිරීම අල්ලාහ්ගේ කැමැත්ත නොවන බවයි. අල්ලාහ් යනු මහාකාරුණිකයාණන් වහන්සේ බව ශුද්ධවු අල්-කුර්ආනයම පැහැදිලි කර ඇත. Continue reading

කුඩා දරුවන් නේවාසිකව ආගමික ස්ථාන වල රඳවා ගැනීමේ බලහත්කාරය විමසුමක්!

කුඩා සාමණේර නම

කුඩා සාමණේර නම

කුඩා දරුවෙකු සාමණේර නමක් ලෙස සිටිනා අතර සිය මව ලගට යන්නට අඩමින් කරන වෑයම දැක්වෙන වීඩියෝවක් ලංකා ඊ නිවුස් කතෘ සදරුවන් සේනාධීර මහතා විසින් අන්තර්ජාලයේ පලකර තිබුණා. ඇත්තටම දරුවන් සිටිනා මාපියන් මෙම වීඩියෝව දකින විට දරුවා ගැන ඇතිවන්නේ දැවැන්ත අනුකම්පාවක්. මගේ අදහස නම් වැඩිහිටියන්ගේ ආගමික උවමනාවන් උදෙසා මෙවැනි කුඩා දරුවන් බලහත්කාරයෙන් යෙදවීම සම්බන්ධව සමාජයේ පුළුල් සංවාදයක් ඇතිකළ යුතුයි. එමෙන්ම කිසිදු ආගමික ස්ථානයකට මෙවැනි දේ කිරීමට ඇති ඉඩකඩ වසා දැමිය යුතුය. Continue reading

ඥාණසාරගේ අඥාණ “අල් ට(ත)ක්යා”

ඥානසාර උන්නැහේගේ අල්ටකියා

ඥානසාර උන්නැහේගේ අල්ටකියා

ඥාණසාර උන්නැහේ කළුතර දිස්ත්‍රික්කයෙන් චන්ද අපේක්ෂකයෙකු ලෙස ඉදිරිපත් වී නැවත වරක් ඉස්ලාමයට හා මුස්ලිම් වරුන්ට එරෙහිව විවිධ ආකාරයේ චෝදනා මතුකරමින් මෙරට සිංහල බෞද්ධ ජනයා රවටා ඔවුන්ගේ වටිනා චන්දය ලබා ගැනීමේ කපටි ව්‍යාපාරයක යෙදී ඇති බව පෙනෙන්නට ඇත. මුස්ලිම් ජනයාව සිංහල බෞද්ධ ජනයාගේ සතුරන් බවට පත් කිරීමට උන්නැහේ යොදා ගෙන ඇති එක් සටන් පාඨයකි ‘අල් ට(ත)කයා’ නමැති සංකල්පය. මෙම ලිපියෙන් අප ඒ පිළිබඳ විග්‍රහයක් ඉදිරිපත් කොට ඇති අතර උන්නැහේගේ වංචනික කපටි පහත් නින්දිත අසත්‍ය චෝදනාව ඉස්ලාමීය පිළිගත් මුලාශ්‍රයන් මගින් ඔප්පු කිරීමට හැකි නම් අපි උන්නැහේගේ ඕනෑම කොන්දේසියකට එකග වන්නෙමු. Continue reading

ලාබයි! ලාබයි! මලමිනී ලාබයි! මලමිනී නැවතත් මැතිවරණ වේදිකාවේ!

වසීම් තාජුඩීන්

වසීම් තාජුඩීන්

17 අවුරුදු එජාප පාලනය තම ඡන්ද සටනට ප්‍රේමවතී මනම්පේරි තරුණිය වැනි ඝාතණය කළවුන්ගේ මලසිරුරු යොදාගන්නා ලදී. පසුව බලයට පැමිණි චන්ද්‍රිකාද බටලන්දේ වධකාගාරය සිය ඡන්ද සටනට භාවිතා කරන ලදී. ඉන්පසුව මහින්ද පාලන සමයද රිචඩ්ද සොයිසා ඇතුළු නොයෙකුත් මලමිනී ඡන්ද වැඩට යොදාගන්නා ලදී. දැන් පැමිණ තිබෙන්නේ යහපාලන රජයක්ලු. නමුත් යහපාලනයත් පසුගිය පාලනයන් කළාසේ ඡන්ද වැඩ අතරතුර මලමිනී බිස්නස් වලට අතගසා ඇති බැව් අපට පෙනේ. Continue reading

චම්පික සහ ඥානසාර පුනරුත්ථාපනය කළයුතුයි!

ක්සෙනොපෝබියා වාහකයන්

ක්සෙනොපෝබියා වාහකයන්

ගෝඨාභය රාජපක්ෂ යනු ජාතිවාදියෙක් බවත්, රටතුල නැගඑන ජාතිවාදී රැල්ල පසුපස සිටින්නේ ගෝඨා බවත් අප බ්ලොගය ජනතාව වෙත පලමුව හෙළිකළේ 2012 වසරේ මුල්කාලයේදීය. එදා පටන් ගෝඨා අන්තවාදියෙක් බවත් රටේ ඊලඟ නායකයා වීමට සිහින දකින නුගත් අළුගෝසුවෙක් බවත් අප දිගින් දිගටම ජනතාව වෙත හෙළිකළෙමු. අද වන විට ගෝඨාගෙන් සමාජයට ඇතිවන්නට ගිය ව්‍යසනය වැලකී ගොසිනි. නමුත් ජනතාව අභියස තවත් එවැනිම අවධානමක් ඇත. ඒ චම්පික රණවක නැමති අන්තවාදී පිසාචයාගේ කූඨ දේශපාලනයයි. ගෝඨා මෙන්ම චම්පිකද මතුදිනක රටේ නායකයා වීමට සිහින දකින අන්තජාතිවාදියෙකි. Continue reading

අයිසිස් තර්ජනය කාටද? ඥානසාරටද? අපටද?

ග. ඥානසාර

ග. ඥානසාර

ඥානසාරට අයිසිස් තුලින් මරණ තර්ජන තිබෙන බවට දිලන්ත විතානගේ හීනෙන් නැගිට මාධ්‍ය සංදර්ශන පවත්වයි. ඒ අබු ෂුරයි සෙයිලානි නැමැත්තා විසින් තැබු පැරණි ෆේස්බුක් සටහනක් පාදක කරගනිමිනි. නමුත් අයිසිස් කල්ලිය ලංකාව තුල පැතිර ගියහොත් ඉන් දැඩිලෙස ජීවිත තර්ජනයට ලක්වන්නේ ඥානසාර නොව මුස්ලිම් සමාජයේම ඉදිරිපෙල නායකයන් බව මගේ අදහසයි. ඥානසාර යනු ලංකාවේ බහුතර බෞද්ධ තරුණ සමාජය වෙත අන්තවාදය වැපිරූ සහ මුස්ලිම් සමාජයේ තරුණයන් අන්තවාදය වෙත තල්ලු කිරීමට උත්සාහ කළ චරිතයන්ගෙන් එකකි. නමුත් මුස්ලිම් සමාජයේ ඉදිරිපෙල නායකත්වය කුමක් කළේද? Continue reading

මියගිය අයිඑස් සටන්කරුවා සහ ලාංකික මුස්ලිම් සමාජය!

මියගිය අයිඑස් සටන්කරු

මියගිය අයිඑස් සටන්කරු

අයිඑස් සංවිධානයට බැඳුණු ලාංකික සටන්කාමියෙකු මියගිය පුවත ලාංකික මුස්ලිම් ජනතාව කැලඹවීමට සමත්වී ඇත. ඇත්තටම මෙම සිදුවීම බෞද්ධ අන්තවාදීන්ට නම් රසඳුනක් වී ඇත. මගේ පුද්ගලික අදහස නම් මෙය හුදකලා සිදුවීමක් බවයි. හුදකලා සිදුවීමක් යනුවෙන් මා අදහස් කලේ මෙය රටතුල සංවිධානාත්මක කල්ලියක් හරහා සිදුවු සිද්ධි දාමයක ප්‍රථිඵලයක් නොවන නිසාවෙනි. නමුත් මෙවැනි හුදකලා සිදුවීම් නැවත නැවතත් ඇතිවීමේ ඉඩකඩක් නිර්මාණය වී ඇත. මුස්ලිම් සමාජ නායකයන්ගේ වගකීම නම් එම හිදැස වසා දැමීමට ක්‍රියාකිරීමයි. Continue reading

මාලිගාවත්ත ක්‍රිකට් තරගය අතරතුර ගැටුම සම්බන්ධ විමසුමක්!

මාලිගාවත්ත ක්‍රිකට් තරගය අතරතුර ගැටුම

මාලිගාවත්ත ක්‍රිකට් තරගය අතරතුර ගැටුම

අපේ අසල්වැසි ඉන්දියාව සහ පකිස්ථානය යන රටවල පැවැත්වෙන ජාත්‍යන්තර ක්‍රිකට් තරගයකදී තම රටේ කංඩායම පැරදුනහොත් ක්‍රීඩා ලෝලීන් විසින් තම රටේ ක්‍රීඩකයන්ගේ නිවාස වලට පහර දීම සාමාන්‍ය දෙයක් ලෙස ප්‍රසිද්ධ කරුණකි. බැරිවෙලාවත් එවැනි අවස්ථාවක තම ප්‍රතිවාදී රටට සහය පලකරන ක්‍රීඩා ලෝලියෙකු හමුවුවහොත් කුමක් සිදුවනු ඇතිද? ඇත්තටම මෙමගින් පෙන්නුම් කරන්නේ එම රටවල ක්‍රීඩාලෝලීන්ගේ දේශානුරාගය නොව නුගත් කමය. නොදියුණු බවය. ඉදින් අපේ රටත් යායුත්තේ ඒදෙසටද? Continue reading

මම නිහඩ ඇයි?

ප්‍රජාතන්ත්‍රවාදය

ප්‍රජාතන්ත්‍රවාදය

අන්වර් සහෝදරයා මේ දවස් වල ඔබ නිහඩ ඇයි? රටේ පවතින දේශපාලන වාතාවරණය ගැන ඔබේ අදහස කුමක්ද? කිහිප දෙනෙකුම මට පණිවිඩ එවා තිබුණි. ඇත්තටම මම මේ දවස් වල නිහඩ ලංකාවේ පවතින මජර දේශපාලන ක්‍රමය ගැන කලකිරීම නිසයි. මෙහි ප්‍රජාතන්ත්‍රවාදයක් තිබේද? නැත. අද රටේ තිබෙන්නේ මහින්දවාදය, මෛත්‍රීවාදය සහ රනිල්වාදය යනුවෙන් ප්‍රධාන මතවාද කිහිපයකි. මහා ප්‍රජාතන්ත්‍රවාදීන් ලෙස පෙනී සිටින බොහෝ දෙනෙකු තමන් රිසි කුලකයේ මහ එකා පජාත වැඩ කරන විට මුණිවත රකින්නේය. Continue reading

ඇමරිකාව තුල සමරිසි විවාහය නීතිගත කිරීම විමසුමක්!

සමරිසි විවාහය නීතිගත කිරීම

සමරිසි විවාහය නීතිගත කිරීම

“ඇමරිකාව පුරා සමරිසි විවාහය නීතිගත කරලා!” “ඉතිං මට මොකෝ? ඇමරිකාවේ නෙමෙයි ලංකාවේ නීතිගත කළත් අපට ප්‍රශ්නයක් නැහැ!” “ඉතිං සමලිංගික සේවනය ඉස්ලාම් ආගමේ තහනම් නේද?” “ඔව් ඒ තහනම් මුස්ලිම්වරුන්ටනේ! සමරිසි විවාහය ඇමරිකාව නීතිගත කළත් තාම එහෙ මුස්ලිම්වරුන්ට ඒක තහනම්!” “ඒක කොහොමද එහෙම වෙන්නේ? එහෙ නෙමෙයි කොහෙත් එකයි.” මේ මා සහ ඉස්ලාමය සම්බන්ධ සංවාදයකට එක්වුවෙකු සමග ඇතිවු සංවාදයක කොටසකි. Continue reading

කොලඹ පදික වෙලඳ ප්‍රශ්නය සහ ගෝඨාගේ බම්බු සංවර්ධනය!

මිනිමරු ගෝඨා

මිනිමරු ගෝඨා

කොලඹ පදික වේදිකා නැවත ආක්‍රමණය කරමින් වෙලඳුන් පැමිණීම සම්බන්ධව අප විරුද්ධය. නමුත් මෙම ප්‍රශ්නයේ ඇතුල් පැත්ත වටහා ගත යුතුය. එනම් පසුගිය රාජපක්ෂ රෙජිමය කළේ සිය මිලිටරි බලය යොදා කොලඹ පදික වේදිකාවෙන් වෙලඳුන් එලවා සිය හෙංචයියන්ට පමණක් කඩ ලබාදීමයි. මේ නිසා සැබෑ වෙලඳුන්ට සිදුවුයේ ඔවුන්ගේ කඩ කුලියට ගෙන වෙලඳාම් කිරීමටයි. එදා රාජපක්ෂලා දුන් කඩවලින් සාතිශය බහුතරය අද කුලියට දී ඇති බව කිසිවෙකුට නොරහසකි. Continue reading